þriðjudagur, 15. mars 2016

Gæsluvallarhús við Rauðalæk 21A er til leigu fyrir dagforeldra.  

 
  • ""
Staða auglýsingar: 
Útrunnin
Húsið sem er 55,7 fermetra gæsluvallarhús hefur verið nýtt af dagforeldrum síðustu ár en núverandi leigutaki mun losa húsnæðið 1. júní og er húsnæðið til leigu frá þeim tíma.  Húsnæðið verður eingöngu leigt þeim sem hyggst nýta húsnæðið til daggæslu barna að uppfylltum skilyrðum Leikskóla Reykjavíkur.
 
Væntanlegum leigutaka er heimil afnot lóðar, en þó er kveðið á um að útisvæði og leiktæki gæsluvallarins skuli vera opin almenningi á starfstíma daggæslunnar sem og utan hans en án ábyrgðar leigutaka.
 
Nánari upplýsingar veitir Ólafur I. Halldórsson hjá Reykjavíkurborg, netfang: olafur.i.halldorsson@reykjavik.is eða í síma 693-7466.
 
Tilboðum um leiguverð ásamt upplýsingum um fyrirhugaða nýtingu hússins skal skila inn í lokuðu umslagi merkt „Leiga á gæsluvelli við Rauðalæk"  í afgreiðslu þjónustuvers Reykjavíkurborgar, Borgartúni 12-14 fyrir kl. 10.30 fimmtudaginn 31. mars 2016.
 
Áskilinn er réttur til að taka hvaða tilboði sem er eða hafna öllum.