Reykjavíkurborg býður húsnæði til leigu í Gufunesi, Bryggjuhverfi og Skerjafirði fyrir áhugaverð skapandi verkefni.  Til ráðstöfunar eru rúmlega 9 þús. fermetrar sem ætlunin er að nýta sem hluta af viðspyrnu vegna erfiðs efnahagsástands í kjölfar covid-19 faraldursins og eru ekki í notkun í dag eða eru að losna.  

Umsóknarfrestur rann út mánudaginn 22. júní 2020 og barst verulegur fjöldi umsókna > Sjá nánar um niðurstöðu úthlutunar húsnæðis í frétt > Skapandi fólk fær húsnæði hjá borginni. 

 

Information in English: Creative projects in City of Reykjavík properties

Upplýsingar um húsnæði:

  • Skapandi borg
  • Gufunes
Staða auglýsingar: 
Útrunnin

Hverjir geta fengið húsnæði? 

Við val á starfsemi í húsin verður sérstök áhersla lögð á skapandi greinar, að byggja upp og efla nýjar atvinnugreinar og samfélagsleg verkefni. Leitast verður eftir því að starfsemin falli vel að nærumhverfinu og gæði það lífi.  Kvikmyndagerð og starfsemi henni tengd hefur byggst upp í Gufunesi á síðustu árum og önnur listsköpun hefur einnig fest þar rætur.  Vinnuhópur Reykjavíkurborgar metur umsóknir og velur samstarfsaðila.  Reykjavíkurborg áskilur sér rétt til að fara í samstarf við hvaða umsækjanda sem er byggt á mati vinnuhópsins eða hafna öllum. 

Hvernig er ástand húsnæðisins? 

Húsin sem um ræðir eru fjölbreytt, í misjöfnu ástandi og verða afhent eins og þau eru.  Reykjavíkurborg leggur ekki fjármagn til endurbóta og allar endurbætur leigutaka á húsnæðinu verða eign Reykjavíkurborgar að samningstíma loknum.  Áhugasömum er bent á að skoða vandlega kosti húsanna og galla áður en til umsóknar kemur.  

Hvað er húsnæðið leigt í langan tíma? 

Hugmyndafræði verkefnisins er að auglýsa eftir tímabundnum leigjendum á meðan viðkomandi svæði eru í skipulags- og uppbyggingarferli sem þó er hugsað til nokkurra ára.  Almennt verður gert ráð fyrir ótímabundnum leigusamningi með gagnkvæmum þriggja mánaða uppsagnarfresti en möguleiki verður á að gera samning til skemmri eða lengri tíma.

Hvert er leiguverðið? 

Gengið er út frá því að umsækjendur komi með tillögu að leiguverði og leigutíma í umsóknum sem metnar verða sérstaklega af vinnuhópi borgarinnar. 

Hvenær get ég skoðað húsnæðið? 

Boðið var upp á skoðunarferðir um húsakynni miðvikudaginn 10. júní. Vinsamlega sendu fyrirspurn á netfangið skapandi@reykjavik.is er þörf er á nánari skoðun. 

Hvernig sæki ég um húsnæði?  

Umsóknarfrestur var til og með 22. júní 2020 og er því liðinn. Verulegur fjöldi umsókna barst og er nú unnið úr þeim.

Hvar finn ég nánari upplýsingar um húsnæðið?  

Hér finnur þú nánari upplýsingar um það húsnæði sem til leigu er:  

  skapandi_bryggjuhverfi.jpg  

Rúv fjallaði um Gufunes og hér má skoða viðtal við Dag B. Eggertsson borgarstjóra um verkefnið .

Hvert sendi ég fyrirspurnir?     

Vinsamlega beinið fyrirspurnum á netfangið skapandi@reykjavik.is eða hringið í símaver Reykjavíkurborgar, s. 411 11 11.  

Svör við fyrirspurnum   

Svör við fyrirspurnum sem hafa vægi fyrir alla umsækjendur verða birt á síðunni..