föstudagur, 12. júní 2015

Reykjavíkurborg tekur brátt yfir húsnæði Strætó í Mjódd og leitar að rekstraraðila til samstarfs. Nýr rekstraraðili mun taka þátt í að skipuleggja breytingar á hlutverki húsnæðisins í samvinnu við Reykjavíkurborg og núverandi rekstraraðila í Mjódd. Hann velur verslanir og veitingastaði til samstarfs, aflar tilskilinna leyfa, sér um kynningar- og markaðsmál og annast allan daglegan rekstur hússins, þar með talið rekstur á salernum og öryggisvörslu. 

  • ""
  • ""
  • ""
  • ""
  • ""
  • ""
  • ""
  • ""
Staða auglýsingar: 
Útrunnin

 

Í Mjódd er áhugavert tækifæri fyrir veitingarekstur sem fer vel með hlutverki húsnæðisins sem þjónustustöð Strætó. Stöðin gegnir mikilvægu hlutverki innan leiðarkerfis Strætó og fara yfir 3.000 manns um hana daglega.

Gert er ráð fyrir því að staðurinn auki fjölbreytni þjónustu í nærumhverfi hans og dragi til sín fólk og verði öllum opinn. Reykjavíkurborg gerir ráð fyrir því að salerni fyrir almenning verði aftur opnuð. Heildar flatarmál rýmisins sem um ræðir er 426 m2. Bent er á að Pósturinn hefur áhuga á þátttöku í viðræðum um framtíð rýmisins með það markmið að minnka starfsstöð sína á svæðinu sem gæti stækkað það svæði sem er til þróunar um allt að 180 m2.

Áhugasamir sendi umsókn á netfangið sea@reykjavik.is fyrir 6. júlí 2015 ásamt hugmyndum um reksturinn, viðskiptaáætlun og upplýsingum um rekstraraðila.

Við val á rekstraraðila verða nýnæmi hugmyndar, hönnun og útlit, tenging við anda skipulags á svæðinu, þekking, reynsla og fjárhagsgeta hans  ásamt viðskiptahugmynd metin.

Í úttekt á húsnæðinu sem var unnin af arkitektastofunni Stáss voru eftirtalin atriði sérstaklega talin mikilvæg við uppbyggingu starfsemi í húsnæðinu:

  • sterkur rekstraraðili
  • sýnileiki og flæði milli rekstareininga
  • öryggi notenda og farþegar tryggt með viðeigandi hætti
  • snyrtimennska í fyrirrúmi og hugað að viðeigandi ræstingum
  • aðgengi fyrir alla
  • vanda þarf lausnir sem snúa að hönnun og útlit

 

Nánari upplýsingar eru í meðfylgjandi skjali:

 

Tengt efni: