• Frístundastarf fyrir börn með sérþarfir

Fötluðum börnum og unglingum stendur til boða tómstundastarf á frístundaheimilum og í félagsmiðstöðvum. Þar er opið eftir að skóladegi lýkur eða frá 13:40 - 17:00 alla virka daga. Þá er opið í skólafríum kl. 8:00 - 17:00 en lokað er í vetrarfríum grunnskóla. Á sumrin er boðið upp á námskeið sem standa yfir í viku í senn. Skráning í sumarstarfið hefst í kringum sumardaginn fyrsta, nema í sumarstarfið við Klettaskóla sem hefst 4. mars 2020. Frístundamiðstöðin Kringlumýri er þekkingarstöð í frístundastarfi fatlaðra barna og unglinga og þar er hægt að fá nánari upplýsingar. Síminn í Kringlumýri er 411-5400. Sjá gjaldskrá frístundaheimila og sértækra félagsmiðstöðva. Hægt verður að sækja um dvöl á frístundaheimilum og í sértækum félagsmiðstöðvum fyrir veturinn 2020-2021 frá og með 4. mars 2020 kl. 10:00. 

6-9 ára: Frístundaheimili
Fötluð börn, sem eru í almennum grunnskólum Reykjavíkurborgar, sækja frístundaheimili við sinn skóla. Lögð er áhersla á að veita einstaklingsmiðaða þjónustu þar sem komið er til móts við hvert barn og þjónustuþörf þess. Börn í 1. - 4. bekk í Klettaskóla sækja frístundaheimilið Guluhlíð. Sótt er um frístundaheimili við almenna grunnskóla á umsóknarvefnum https://fristund.vala.is/umsokn/#/ 

Skráning í sumarstarf Guluhlíðar hefst 4. mars 2020 kl. 10 og stendur skráning yfir til kl.12:00 1. apríl 2020. Skráning fer fram á https://sumar.fristund.is/#/.

10-16 ára: Sértækt félagsmiðstöðvastarf 

Skóla- og frístundasvið Reykjavíkurborgar rekur þrjár sértækar félagsmiðstöðvar í Reykjavík fyrir börn og unglinga með fötlun í 5.–10. bekk sem sækja almenna grunnskóla.  Skilyrði fyrir dvöl í þessum félagsmiðstöðvum er skilgreind fötlun í 1.–3. umönnunarflokki skv. skilgreiningu Tryggingastofnunar. Þetta eru félagsmiðstöðvarnar Hellirinn í Breiðholti, Hofið sem er fyrir börn og unglinga sem búa vestan Elliðaá og Höllin í Grafarvogi. Börn í 5.-10. bekk í Klettaskóla sækja félagsmiðstöðina Öskju.

Sótt er um dvöl í sértæku félagsmiðstöðvastarfi á umsóknarvefnum https://fristund.vala.is/umsokn/#/

Þegar tekist hefur að manna stöður frístundaleiðbeinenda/ráðgjafa er fyrst hægt að tryggja öllum börnum dvöl á frístundaheimilum og í sértæku félagsmiðstöðvastarfi. Sjá nánar reglur um þjónustu frístundaheimila og reglur um þjónustu félagsmiðstöðva grein 1 og 4.  

Skráning í sumarstarf Öskju hefst 4. mars 2020 kl. 10 og stendur skráning yfir til kl.12:00 1. apríl 2020. Skráning fer fram á https://sumar.fristund.is/#/.