Skólahljómsveitir
Á sjötta hundrað nemendur stunda nám í skólahljómsveitunum fjórum og koma þeir á hverjum vetri fram við fjölmörg tækifæri sem tengjast skólastarfinu og viðburðum í þeirra hverfum. Reykjavíkurborg rekur skólahljómsveitir í öllum hverfum borgarinnar.
Skólahljómsveit Austurbæjar - Fyrir nemendur í Laugardal, Háaleiti og Bústaðahverfi
Skólahljómsveit Árbæjar og Breiðholts - Fyrir nemendur í Árbæ, Breiðholti og Norðlingaholti
Skólahljómsveit Vesturbæjar - Fyrir nemendur í Vesturbæ, Miðborg og Hlíðum
Skólahljómsveit Grafarvogs - Fyrir nemendur í Grafarvogi, Grafarholti og Úlfarsárdal
Hlutverk og markmið:
- stuðla að aukinni hæfni nemenda til að flytja, greina og skapa tónlist og til að hlusta á tónlist og njóta hennar;
- jafna tækifæri nemenda til tónlistarnáms;
- efla félagsleg samskipti;
- efla sjálfsaga, samvinnu og sjálfstæð vinnubrögð;
- stuðla að aukinni tónlistarþekkingu og veita nemendum tækifæri til að koma fram;
- stuðla að tónlistaruppeldi annarra ungmenna með því að koma fram á vegum grunnskólanna.
Í skólahljómsveitum er kennt á öll helstu málm- og tréblásturshljóðfæri auk slagverkshljóðfæra. Einnig eru dæmi um að kennt sé á bassa. Hægt er að leigja hljóðfæri hjá sveitunum.
Hvernig er sótt um?
Innritun og endurnýjun umsókna fer fram á Rafrænni Reykjavík.
Hægt var að sækja um til 10. maí fyrir næsta skólaár, en tekið er við umsóknum allt árið.
Hvað kostar þjónustan?
Í skólahljómsveitum er kennt á öll helstu málm- og tréblásturshljóðfæri auk slagverkshljóðfæra. Einnig eru dæmi um að kennt sé á bassa. Hægt er að leigja hljóðfæri hjá sveitunum. Námsgjöld fyrir 2022 eru 15.771 kr. og hljóðfæragjald 4.799 kr.
Hægt er að nýta frístundakort Reykjavíkurborgar til að greiða skólagjöld.
Fyrirspurnir og/eða ábendingar
Þú getur komið fyrirspurnum, ábendingum og kvörtunum á framfæri við skóla- og frístundasvið Reykjavíkur, Borgartúni 12 - 14, 105 Reykjavík. Sími: 4 11 11 11. Netfang: sfs@reykjavik.is.