Sýna allt Loka öllu

Umsókn um tilsjón, stuðningsfjölskyldu, viðtöl eða annan þann stuðning sem þjónustumiðstöðvar veita.

„Stuðninginn heim“ en það er heiti á stuðningsúrræði þar sem starfsfólk kemur inn á heimili fjölskyldna og styrkir og leiðbeinir foreldrum við uppeldi og umönnun barnsins.

Fjölskyldumeðferð.

Rannsóknarvistun á vistheimili barna, vistun á einkaheimili, dvöl á fjölskylduheimili, unglingasmiðjum og svo framvegis.

Umsókn til Barnaverndarstofu um greiningu og meðferð fyrir unglinga á Stuðlum, vistun til skemmri og lengri tíma á meðferðarheimilum fyrir börn og unglinga, tímabundið eða varanlegt fóstur fyrir börn og unglinga og svo framvegis.

Umsókn fyrir barn eða ungling á barna- og unglingageðdeild Landspítalans til greiningar og meðferðar.

Fundir með starfsfólki leikskóla, skóla og heilsugæslu til að koma á bættu samstarfi við foreldra eða forsjáraðila hafi því verið ábótavant.

Sálfræðiaðstoð eða önnur sérfræðiaðstoð sem Barnavernd greiðir fyrir samkvæmt mati.

Greining og mat á þroskastöðu, námsstöðu, félagslegri stöðu barns/unglings og svo framvegis.

Þolendum kynferðisafbrota er vísað í Barnahús til greiningar og viðtala. Þegar við á er málum einnig vísað til lögreglu.

Ef ekki næst samstarf við foreldra eða forsjáraðila og ítrekaðar stuðningsaðgerðir hafa ekki orðið til þess að bæta hag viðkomandi barns/unglings þá getur niðurstaðan í vinnslu barnaverndarmáls verið sú að leggja málið fyrir Barnaverndarnefnd Reykjavíkur.