Tónlistarskólar

Tónlistarskólinn á Klébergi er eini tónlistarskólinn sem er alfarið rekinn af Reykjavíkurborg, en aðrir tónlistarskólar njóta styrkja frá borginni. Hver og einn hefur sína gjaldskrá.

Sótt er um tónlistarnám í gegnum Rafræna Reykjavík. Tónlistarskólinn veitir upplýsingar um námið og afgreiðslu umsókna.
Umsóknir vegna tónlistarnáms á efri stigum fara að reglum Jöfnunarsjóðs sveitarfélaga. 

Skólahljómsveitir

Reykjavíkurborg rekur fjórar skólahljómsveitir. Þær starfa í Vesturbæ - Miðbæ, Austurbæ, Árbæ - Breiðholti og Grafarvogi. Meginmarkmið sveitanna er að jafna tækifæri nemenda til tónlistarnáms og stuðla að hæfni þeirra til að flytja og skapa tónlist, svo og að njóta hennar. Á fimmta hundrað nemenda stunda nám í skólahljómsveitunum og koma þeir á hverjum vetri fram við fjölmörg tækifæri sem tengjast skólastarfinu og viðburðum í þeirra hverfum.

Frístundakortið má nota til að greiða fyrir nám í skólahljómsveit.

Skólahljómsveit Vesturbæjar.
Skólahljómsveit Grafarvogs.
Skólahljómsveit Austurbæjar.
Skólahljómsveit Árbæjar og Breiðholts.